BULEGO taldeak sortu dute Euskaraldia 2025eko kanta, euskaraz egiteko nahia pizteko eta norberak bere ekarpen txikia eginez aldaketa handiak lor daitezkeela erakusteko.
Sormen prozesuan Euskaraldia eta BULEGOren arteko elkarlana izan da izarra. BULEGOk Euskaraldiaren lantaldearekin hamaika bilera egin zituen, mugimenduaren oinarriak eta abestiaren helburua sakon ulertzeko. Elkarlan horretan, lantaldeko hainbat kide ere abestera animatu ziren.
“Esatetik egitera” esaldia bihurtu zen sormen prozesuaren motorra, eta Euskal Herriko txoko guztietatik kantatzea eta dantzatzea du abestiak helburu.
DANTZATZEKO PREST?
Euskaraldiaren kantak ez du soilik entzuteko balio… dantzatzeko ere sortu da! Bilaka kolektiboak espresuki sortu duen koreografia honekin, euskaraz bizitzeko mugimendua gorputzez ere adierazteko aukera duzu.
Bilaka Baionan kokatutako artista kolektiboa da, musikari eta dantzariek osatua. Euskal kulturaren sustraiak gaur egungo ikuspegiarekin uztartzen ditu, dantza eta ondare immateriala berrinterpretatuz. Gainera, Zibel Damestoy, hamaikakoaren kidea, Bilakako dantzaria ere bada!
Ikasi mugimenduak eta batu dantzara!
Arbasoen su txikia (etenik gabe)
Araba euskaraz 2025
iruzkinik ez:
Argitaratu iruzkina
Oharra: blogeko kideek soilik argitara ditzakete iruzkinak.